Fekk tips om hasjrøyking - éin person meldt
I 21-tida hadde politiet promillekontroll, rundt midnatt fekk dei tips om anna rusmiddel.
Fredag kveld rundt midnatt fekk politiet tips om hasjrøyking i eller ved ein bil som sto parkert i Os sentrum.
– Patruljen rykte ut til staden. Det enda med at ein av passasjerane i bilen blei meldt for besittelse av narkotika, opplyser vakthavande ved Bjørnafjorden politistasjon.
Vedkomande er i slutten av tenåra.
Tidlegare på kvelden gjennomførte politiet ein promillekontroll i Os sentrum.
49 bilførarar blei kontrollert utan at det førte til reaksjonar. Men ein av bilane blei avskilta, utan at årsak står nemnt i loggen.
På dagtid fredag fekk ungdomsskuleelevar, via Friskunst-prosjektet, ein gratis konsert med Vamp, som på kvelden skulle spela for fullt hus.
Politiet var innom og helste på ungdomen, og fortel om veldig god stemning.
