Fekk revansje over Øystese
Øystese tok plassen Lysekloster ville ha i NM, men i gårsdagens seriekamp var det dei kvitkledde som regjerte.
Bildeserie:
Lysekloster tapte 2-3 for Øystese i siste av to kvalifiseringrundar til NM. I går møttest dei i Framo idrettspark, og denne gong var det Lysekloster sin tur.
Heimelaget opna knallhardt og skapte mykje. Éin ball gjekk stang ut, éin annan blei redda på strek av Øystese-forsvarar Erlend Grønner.
Men så heada Baste Jonassen inn 1-0 drygt 10 minutt ut i kampen,på ein av mange cornarar i første omgang.
Eit kvarter seinare kom Johannes Jordal på eit fint løp og dundra av frå over 20 meter og det blei 2-0, som sto seg kampen ut.
Lysekloster - Øystese 2-0 (2-0)
Lysekloster har tap og uavgjort i dei to bortekampane, men har vunne begge dei to heimekampane.
Øystese leiar framleis tabellen, men då Lysekloster tok alle poenga i 4. runde er det no duka for at Os kan klatra frå 2. til 1. plass når dei søndag tar imot Stord på Kuventræ (kl 17).