Politi | 05. nov. 2021
Fekk nokre prikkar for mykje
Ung mann mista lappen på Osveien i går.
Ørjan Hålandfredag 05. nov. 2021 09:40
Klokka 01.20 natt til fredag mista ein ung mann lappen.
– Det var UP-patruljen som var ute i natt og kontrollerte ein ung mann. Han køyrde i 76 km/t i 60-sonen på Osveien.
– Den unge mannen hadde mange prikkar frå før, og fekk tre nye prikkar i natt. Sjåføren passerte åtte prikkar og mista difor lappen på staden, seier politioverbetjent Anne Lyssand.
Han fekk også eit forelegg på 5.850 kroner.
Sjåføren erkjente straffeskyld og samtykka til beslag av førarkortet.
