Fekk iPad-ar til nær 120 000

Bildeserie:

Full skjerm

1 av 2

Eivind Sverdrup er far til ei i 7A på Lunde barneskule og jobbar til dagen som utredar i DnB.

– Det heile var ei intern konkurranse på jobben kor ansatte var med i loddtrekning om eit klassesett med 28 iPad-ar til ei skuleklasse som ville nytte seg av undervisningsopplegget «Lærepenger».

– Eg sende invitasjonen til Kristine (Olsen Samdal, klassestyrar journ.mrk) og dei hadde lyst å vera med. Dei visst ikkje då at det låg moglegheiten for iPad-ar i andre enden, fortel Sverdrup før utdeling og skulestart tysdag morgon.

800 skular deltok

Vel inne i klasserommet fortel Sverdrup at dei hadde vunne klassesettet.

– Det har vore med heile 800 skular over heile landet som har tatt i bruk «Lærepenger», av alle desse klassene er de trekt ut til å få klassesettet med 28 iPad 2 Air. Kvar av dei koster over 4000 kroner, så de er heldige, smilte Sverdrup då han delte ut gåva.

Eit raskt mattestykke, rekna i hovudet (!), synte at gåva var verd minst 112 000 kroner.

Til fri bruk

Frå DNB er det inga knytninger eller krav til bruk for å få gåva.

– De kan bruke den akkurat som de har lyst til. Det er ein masse app-ar de kan lasta ned og som eg trur de kan ha god nytte av i undervisninga, men først må vi levere nettbretta inn til kommunen slik at dei kan få dei kobla opp på nettverket på skulen. Eg snakka med dataansvarleg i dag, og forhåpentlegvis vil dei vera klare kanskje allereie i løpet av denne veka, forklarte Sverdrup før seks av nettbretta blei delt ut og elevane kobla seg opp via ein mobiltelefon for ei lita spørjekonkurranse via kakoot.