Fekk forelegg etter å ha køyrd i 118 km/t i Lyshorntunnelen

Torsdag klokka 19.50 blei eit køyretøy stoppa av politiet etter fartsmåling i Lyshorntunnelen.

Bilen var målt til 118 km/t, fartsgrensa på motorvegen er som kjent 100 km/t.

– Førar vedtok forelegget, opplyser politioverbetjent Anne Lyssand.

118 i 100-sone fører til 6700 kroner i forelegg og to prikkar på førarkortet.

Tidlegare på dagen, i 10.40-tida, var det eit trafikkuhell i Lyshorntunnelen retning Bergen.

– Bilistane stoppa på ei lomme og blei einige om å møtast på Lagunen for å skriva skademelding. Politiet rykte ikkje ut, og har heller ikkje oppretta sak.

I 12.30-tida torsdag sto politiet med laser på E39 i 70-sona forbi vekta på ytre Moberg.

– Det blei skrive ut eitt forenkla forelegg. I tillegg er det oppretta sak etter at ein bilist ikkje vedtok forelegget patruljen ville dela ut.

På morgonen torsdag hadde politiet promillekontroll på Halhjemsvegen.

51 førarar blei kontrollerte utan at det førte til reaksjonar.