Politi | 01. mai 2022
Fekk forelegg etter å ha køyrd feil veg i sentrum
Stoppa i einvegskøyrd gate i natt.
Kjetil Vasby Bruarøysundag 01. mai 2022 09:55
Klokka 00.25 natt til søndag, stoppa politiet ein bil som køyrde mot køyreretning i einvegskøyrd gate i Os sentrum.
Vedkomande fekk eit forelegg på 6.000 kroner.
– Bilførar vedtok forelegget, opplyser politioverbetjent Atle Birkeland.
Den einaste einvegskøyrde gata i sentrum, er delar av Øyro, frå Malina og Apoteket til forbi Bakketeig.
Gata har vore einvegskøyrd frå august 2019.
Ei anna «felle» i Os sentrum er krysset mellom Brugata og Hatvikvegen, der det er påbode å svinga til høgre.
Brot på dette gir også 6.000 kroner i forelegg.
