Fekk ein unødvendig tur over Mobergsbrua

Onsdag klokka 08.27 varsla 110-sentralen om utrykning til Industrivegen grunna automatisk alarm.

Bjørnafjorden brann og redning rykte ut til Espira Ulvenvatnet barnehage.

– Det var ingen brann eller branntillaup, opplyser Åge Kausland.

– Barnehagen har årskontroll på varslingsanlegget sitt i dag. Det såg ut som om leverandøren hadde gjort det han skal, å kopla ut varslinga mens han jobba.

– Men det gjekk altså likevel ein alarm, kanskje av teknisk årsak, og 110-sentralen sendte oss ut. Det hender innimellom at vi rykker ut på automatiske alarmar utan at det er grunn for utrykning.