Fekk alle til å hoppa
1100 på familiefestival: Samsaya og Datarock fekk fart i ungane - og foreldra.
Bildeserie:
Med fengande låtar og fullasta med barnetekke sørgja Samsaya og Datarock for at rekordmange 1100 små og store sleppte seg fri under familiefestivalen på Rock N LOL laurdag.
SJÅ VIDEO NEDST I ARTIKKELEN
Den populære gratisfesten på dagtid midt i rockefestivalen hadde rundt 1100 besøkande, cirka det doble frå rekordåret 2011.
Dans utan koreografi
Og gjestane fekk svært god valuta for oppmøtet. Samsaya kom rett frå konsert i Lakselv for å underhalda på dagtid før kveldens jobb, og ho fortalte inspirerande historiar til ungane mellom låtane, for til slutt å invitera ein god flokk opp på scenen for å dansa.
– Dans treng ikkje vera med koreografi, lytt til hjarta ditt og slepp deg fri, oppmoda ho.
Sjarmerte mødrene
Datarock var ikkje dårlegare - dei fekk fart i både ungar og foreldre, med allsong, hopp opp og ned, ein boyband-sekvens og fullt frieri til alle mødrene med "The time of my life" frå Dirty Dancing.
"And I owe it all to Rock N LOL", avslutta dei.
Bøttevis med vaflar
– Eg lagde 35 liter heimelaga vaffelrøre, men eg burde visst ha lagd ei bøtte eller to til, seier Mamma-LoL, Gudrun Elisabeth "Duddun" Lindborg.
Også t-skjorter gjekk det unna med, Samsaya signerte med ho var god for og Datarock selte ut alle t-skjortene i dei minste storleikane.
VIDEO: Sjå 2 minutt av familiedagen på Rock N LOL 2012. (Foto: KVB)