Fekk 8.000 i gebyr på Halhjem

Statens vegvesen har i dag hatt kontroll på Halhjem ferjekai.

– Hovudfokus var vekt og generell trafikktryggleik, skriv John Kåre Larsen i rapporten.

24 køyretøy var over kontrollplass, av desse blei 12 plukka ut for full sjekk.

Det blei gitt 3 bruksforbod, blant anna for fiskevatn som rann frå hengar, og 2 tekniske manglar.

Til 4 sjåførar som blei plukka ut til kontroll av køyre- og kviletid blei det skrive ut 8 åtvaringar.

Eitt køyretøy mangla avgiftsgrunnlag for å dra hengar, og blei rapportert til Skatteetaten, eitt mangla vognkort og eitt fekk gebyr på 8.000 kroner for manglande bombrikke.