Fekk 59.000 kroner i bot

Ein mann i 40-åra frå Os måtte starta det nye året med å møta i retten.

I går blei han dømt for promillekøyring.

Mannen blei stoppa på Byvegen klokka 06.40 ein søndag i juli. Blodprøve tatt ein halvtime seinare viste ein alkoholkonsentrasjon på 2,33.

Sikta møtte i retten og tilsto. Han samtykka i avgjerd ved tilståelsesdom.

Skjerpande forhold

Påtalemakta kom med påstand om 30 dagar fengsel, 59.000 kroner i bot og tap av førarretten i 3 år.

«Av veitrafikkloven § 31, 2. ledd bokstav c) fremgår at det normalt skal reageres med bot og ubetinget fengsel, med promille på over 1,2. Siktede hadde en svært høy promille, noe som er straffeskjerpende. Siktede kjørte også over en lang strekning» står i det i dommen.

Utanlandsk førarkort

Sikta hadde utanlandsk førarkort, men retten slo fast at dei same reglane gjeld for tilbakekall av førarretten. Vidare viste dei til at tap av førarretten skal setjast til 2-5 år ved skjerpande forhold og promille over 1,2.

Mannen blei dømt til fengsel utan vilkår i 30 dagar, 59.000 kroner i bot og tap av førarretten i 2 år og 6 månadar. Han erklærte at han vedtok dommen.