Fekk 25.000 i rabatt
... men promillekjøraren må likevel ut med 55.000 kroner i bot.
I 20-tida måndag 10. juni blei ein mann i 50-åra tatt av politiet, mistenkt for promillekjøring.
Blodprøve tatt av mistenkte viste ein alkoholskonsentrasjon på 0,62 promille.
Tidlegare i september var saka hans oppe i Nordhordland tingrett, der aktor hadde lagt ned påståand om 80.000 kroner i bot, saman med 14 dagar fengsel på vilkår og tap av førarretten i to år.
Sikta møtte i retten og tilsto. Han forklarte at han heldt på med flyttearbeid og hadde drukke 3-4 pils medan han jobba.
Han ba om redusert både bot og tap av førarretten i forhold til kva aktor fann passande, men fekk berre rabatt på bota grunna endra jobb- og inntektssituasjon.
Sikta blei dømt i tråd med aktor sin påstand, men med "berre" 55.000 kroner i bot.