Feirar Shakespeare med kjærleik

Måndag kjem Riksteateret med «Ein midtsomarnattsdraum». Kjærlekskomedien skriven av William Shakespeare.

– I 2016 er det 400 år siden Shakespeare døde. «Shakespeare400» vil bli markert verda over med teateroppsetningar, filmpremierer, utstillingar, seminar og omfattande tilbod til vaksne og unge.

– I Noreg ventar fleire store Shakespeare-oppsetningar på fleire av landets teater. Felles for ei alle er at dei blir satt opp av unge regissører med eit nytt blikk på Shakespeare, skriv riksteateret i ei pressemelding.

Fjerdeklasses produksjonar

Riksteateret sin versjon er regissert av multikunstnar og regisør Jo Strømgren. I framsyninga har han fått med seg «Fjerdeklasses produksjoner».

– Det er eit ungt og friskt ensemble som gjekk på same kull på teaterhøgskulen. Fleire av dei er aktuelle i ulike TV-produksjoner om dagen.

Skodespelarane er Ine Marie Wilmann (aktuell i filmen om Sonja Henie), Nader Khademi (medvirker i Mammon på NRK), Eldar Skar (Okkupert på TV2), Helle Haugsgjerd (Mammon på NRK), Ingvild Holthe Bygdenes (kommer i Monster på NRK), Henriette Faye-Schjøll, Hanne Skille Reitan, Ester Marie Grenersen og Jo Adrian Haavind.

Først vist for dronning Elisabeth I

Ein midtsomarnattdraum blei skriven av Shakespeare i slutten av 1590-åra og er framleis eit av hans mest elska skodespel.

– Det blei angiveleg framført for første gong i dei mest danna omgivelser, eit adeleg bryllup, med dronning Elisabeth den 1. til stades.

– I lette versemål forviklar para seg i stykket fram til forsoning og bryllup, same sermoni som gjestane har vore vitne til tidlegare på dagen. Skogen er ramma for skodespelet og er ein vakker stad, der alver dansar i måneskinn og ein frodig britisk flora spruter frem. Men som ofte når naturen er involvert, er det noko mørkare som ligg under. Det er krefter som ikkje naudsynt bringer fram det beste i hovudpersonane, skriv Riksteateret i omtala av stykket.