Feira med heimebakst

I tredjeetasjen på sjukeheimen var det tradisjonen tru stelt til med kaker, buffet og noko godt i glasset for å feira nasjonaldagen.

– Vi freister å gjera det til ein festdag også for bebuerane.

– Dagen starta med frukost kor vi serverte heimebakst og masse pålegg. Her var det berre å velgja, fortel dei tilsette.

Bestemmer sjølv

Sjølv om dei bur på sjukeheimen, er det viktig å få vera med å bestemme korleis dagen skal feirast.

– Vi har førebudd oss i lang tid.

– Bebuerane gler seg til å sjå toget og kose seg på nasjonaldalgen. Allereie dagen før må klea vera klare.

Bebuerane er òg med på å bestemme kva som skal stå på menyen høgtidsdagen.

– Det skulle berre mangle. Dette er jo tross alt heime deira.

I tillegg til heimebakst til frukost, blei det buffet og kake til bebuerar og pårørande då toget hadde passert. Rømmegraut og spekemat til middag og valfritt til kvelds.