– Fått ei jamnare levering
BIR sin gjenvinningsstasjon i Kolskogen utvida i sommar opningstidene. – Det har gjeve ei jamnare fordelinga av når folk leverar boss til gjenvinning, fortel Tina Skudal.
For å gjera det enklare og betre for kundane la BIR om opningstidene på gjenvinningstasjonen i Kolskogen.
– No opnar vi klokka ni kvar dag.
– Det gjer det greiare for kundane å veta når vi opnar.
– Framleis har vi to dagar med langope. Måndag og torsdag held vi no ope til klokka 20, fortel Tina Skudal, kommunikasjonsrådgjevar i BIR.
Vellukka utviding
Dei tre andre vekedagene held gjenvinningsstasjonen ope til klokka 17, medan laurdagen har blitt utvida, slik at den er open til klokka 16.
– Dette har vi gjort for å gje eit betre tilbud til innbyggjerane i Os.
– Erfaringa så langt er at straumen av folk som vil levera boss til gjenvinning har fordelt seg jamnare utover.
– Det gjer at vi unngår dei store toppane og trengsel, og i staden kan yta enno betre service til kundane, avsluttar Skudal med eit smil.
Opningstidene på gjenvinningsstasjonen er no:
Måndag og Torsdag 09-20, Tirsdag, onsdag og fredag 09-17, Laurdag 09-16.