Får tilbod om kontrakt
Vegard Leikvoll Moberg (19) overbeviste i Mjøndalen.
Os-toppskårar Vegard Leikvoll Moberg har vore på prøvespeling i Mjøndalen denne veka.
- Det har gått veldig bra. Treningskampen fredag kveld blir nok avgjerande om eg får kontraktstilbod eller ikkje, sa Vegard Leikvoll Moberg til Midtsiden.no tidlegare i veka.
Mjøndalen testa åtte nye spelarar i går. Anders Larsen og Vegard Moberg overbeviste så mykje at dei får tilbod om kontrakt, skriv Drammens Tidende, dt.no i dag.
Vegard kom tilbake til Os fredag kveld, etter treningskampen, som enda 4-1.
- Ingenting er avgjort enno, men sjansen er stor for at eg slår til om alt går i orden, seier Vegard til Midtsiden.no laurdag morgon.
Mjøndalen må i dialog med Os om utdanningskompensasjon og overgang.
- Vi skal snakkast i jula, så blir det vel bestemt rett over nyttår, trur Leikvoll Moberg.