Fann fleire cannabisplanter under ransaking

Tysdag klokka 14.15 var politiet på ransaking i ein bustad nær Os sentrum.

– Dei fann i overkant av ti cannabisplanter, fortel politioverbetjent Anne Lyssand.

Cannabis (hamp) blir brukt til framstilling av blant anna hasj og marihuana.

– Mistenkte, ein mann i 30-åra, blei pågripen mens ransakinga pågjekk. Han var lett rusa, men blei avhøyrd og dimittert etterpå.

Vedkomande har òg tidlegare vore involvert i narkotikasaker. Årsaka til at det blei ransaking er ikkje notert, men lukt frå den vesle plantasjen skal ha vore medverkande.