Fann brennande bål i Ervikane
Laurdag formiddag fann ein båtturist boss og eit brennande bål i Ervikane, men inga folk.
Bildeserie:
Midtsiden fekk i helga ei bekymringsmelding og hjartesukk frå ein av leserane våre.
– Vårt hjartesukk gjeld folk sin uforsiktige omgang med den fine naturen i Os. Då mannen min kom i Ervikane med båten laurdag formiddag gjorde han ei litt skremmande oppdaging.
– På land fann han eit brennande bål som var forlatt. I tillegg låg det ein stor stubbe ved bålet og ulma.
Det hadde òg vore brent sprayflasker på bålet.
– Så tørt som det er ute no, kunne det gått skikkeleg gale, åtvarar Midtsiden-lesaren.
Bosset flaut
I tillegg til det brennande bålet, flaut bosset i området.
– Det var boss, sigarettsneiper og flasker. Noko av bosset var eksamen/tentamensoppgåver med kandidatnummer på frå ei av ungdomsskulane i bygda, fortel kvinna.
Rydd opp
Dei rydda og sløkte naturlegvis bålet.
– Vi er veldig glad for at folk nyttar den flotte naturen vi har i Os, men blir så trist når vi møter eit slikt syn.
– Vårt hjartesukk er at folk MÅ sørgje for at bål er sløkt får dei går frå det og at folk tek med seg boss og eingangsgrillar. Det er boss-spann for båe deler i Ervikane, påpeikar ho.