På facebook-gruppa «Trafikkmeldinger Fanafjell» blir det tipsa om ein brøytebil som har køyrd i grøfta.
Brøytebilen skal stå kilt mellom ein stolpe og fjellet, på toppen av Fanafjellet på Nordvik-sida.
Det blir kommentert at vegen ser ut til å bli stengt ei stund når bilen skal bergast opp igjen, og oppfordrar folk om å vera tålmodige.
Vegtrafikksentralen vest opplyste på X, at vegen kan bli stengt frå klokka 12.50.
– Det er mogleg å køyra forbi lastebilen no, men det er smale vegar, så når berginga set i gang blir vi nøydde å stenga vegen, fortel pressekontakt frå Statens vegvesen.
Bilbergar er bestilt, og vegen blir stengd ved Nordvik når berginga startar.
Klokka 12.53 opplyste Vegtrafikksentralen vest at vegen blir stengd i cirka ein time grunna bilberging.
Klokka 13.30 meldte vegvesenet at det er fri ferdsel over Fanafjellet. Bilberginga er avslutta.