Etterlengta jubel for Os 2
Tok sin første siger etter opprykket til 4. divisjon.
Bildeserie:
Os 2 spelte 7. serierunde måndag kveld, på heimebane mot Trio.
Trio landa på 5. plass med 37 poeng i fjor, i naboavdelinga til Os sitt A-lag, men har berre tatt 5 poeng på dei første 6 kampane.
Os 2 starta serien i ny divisjon med uavgjort med Frøya, men så kom fem tap på rad, 3-0 for Varegg, 3-4 for Trott, 3-1 for Djerv, 2-4 for Øystese og 2-1 for NHH.
Os 2 - Trio 3-1 (1-0)
Målskårarar, Os: Elias Heggland Myrlid (1-0), Henrik Tysse Sperrevik (2-1) og Niklas Lunde Fosen (3-1)
Os 2 sin tropp: Erlend Østgulen Hevrøy, Thomas Felic Færævik, Oscar August Lekven Fimreite, Simon Moberg Søvik, Henrik Johannessen, Scott Holger Nord Drange, Vegar Solstrand Ludvigsen, Erlend Sørås Storebø, Sander Fagerbakke Kvittingen, Frode Storebø, Alexander Tøssebro, Kerem Duvarci, Elias Heggland Myrlig, Henrik Tysse Sperrevik, Marius Een Lyssand, Bjarte Halhjem, Niklas Lunde Fosen og Tobias Nøss.
I kveld gjekk Os 2 i føringa, men gjestane utlikna tidleg i andre omgang, og først i sluttminutta, etter to stolpeskot og tre turar åleine med keeper utan skåring, kom dei avgjerande måla.
– Dette unner eg verkeleg gutane. Dei har jobba knallhardt gjennom heile oppkøyringa og dei har vore det førande laget i 4 av dei 6 første kampane. Eg er glad det ikkje glapp i dag, seier trenar Martin Røttingen Eidsvik.
– Eg har eit nesten heilt nytt lag i forhold til i fjor, i tillegg har det vore ein del skader i A-stallen, så vi har stilt med låg snittalder. Men gutane viser disiplin og styrke, og i dag fekk dei utteljing for arbeidet dei legg ned. Det var synleg på feiringa av Henrik si 2-1-skåring, og vi var letta då Niklas la på til 3-1, seier Eidsvik.
Neste kamp går borte mot Sandviken.
• Terminliste og tabell på fotball.no