Lokal | 09. feb. 2010
- Etterforskar for fullt
Politiet veit framleis ikkje korleis ranaren kom seg frå Uno X sundag, men har hatt fleire vitne inne til avhøyr.
Kjetil Vasby Bruarøytysdag 09. feb. 2010 12:08
- Vi etterforskar for fullt, seier lensmann Rasmus Dalen om status etter det væpna ranet på Uno X/Lyssand Bil sundag kveld.
Ranaren var maskert og stakk etter alt å døma av til fots. Kor langt han sprang og om han hadde parkert ein bil i nærleiken er førebels uvisst.
- Det veit vi ikkje enno. Men vi har hatt fleire vitne inne til avhøyr og har materiale og spor å jobba vidare med, seier Dalen.
To kvinner var på stasjonen då ranet fann stad, ein kunde og ho som var på jobb. Fleire vitne blei avhøyrt sundag kveld og natt til måndag. I tillegg skal fleire vitne ha kome til i etterkant.