Erik vann MX-ligaen
Aktive fotballspelarar frå fire ulike klubbar i Os har spelt liga på Kuventræ i over ein månad. Fredag blei det premiar på dei fem beste.
Os Turn Fotball inviterte i år som i fjor naboklubbar med i liga, MX Sport Vinterliga, på Kuventræ.
Etter sesongslutt og ein kort ferie har det blitt spelt kampar på små 7-arbanar mellom spelarar frå Os og Os 2 blanda med Søre Neset, Nore Neset og Søfteland.
– Det har blitt laga nye lag kvar speledag. Spelarar på vinnarlag har fått 3 poeng, i tillegg har laga fått 1 poeng per mål dei har skåra, fortel Os-oppmann Ove Kanestrøm.
Det er mykje venskap mellom spelarane frå dei ulike klubbane, men også store dosar vinnarvilje.
– Torsdag var siste kampdag og fredag hadde vi avslutning med premieutdeling til dei fem beste.
Her er topp 5 og premiane dei vann (gåvekort på MX Sport i ulik storleik):
1. Erik Kanestrøm (klubblaus): 1000 kroner
2. Frode Øvredal (Os): 500 kroner
3. Egil Thuen (Os): 300 kroner
4. Mats Cato Moldskred (klubblaus): 200 kroner
5. Kristoffer Skjelde (Søfteland): 200 kroner
I veka som kjem skal spelarane i møte med sin nye trenar, Jørn Vegard Berge, og sportssjef Lars Bakkerud. Måndag 6. januar startar oppkjøringa til 2014-sesongen for alvor.