Erfarne debutantar
• Rap frå Bergen, rock frå Os og ein spennande debutant.• Søfteland Rock N LOL slepp dei tre siste banda til årets festival.• Her er heile programmet.
Abstractium, The Beauty og Verk kjem også til Søfteland i år.
Søfteland Rock N LOL sette rekord med 2500 besøkande i 2011. Sidan førre festival har Rock N LOL blitt kåra til Bergens Beste av BT og blitt lista som ein av Noregs 10 beste festivalar av NRK Lydverket.
– Som vanleg har vi prøvd å setja saman eit utval av kjente namn, gledelege comeback, lokale rockarar – og spennande band vi trur er på bratt veg oppover, seier festivalsjef Andreas Lindborg.
Dei tre siste
Frå første slepp 30. mars har vi følgt med korleis programmet til årets festival har tatt form. 16 band er no klare for festival på garden til Olav Valle på Søfteland i juli, her er dei tre siste:
• Abstractium: Unge, talentfulle rockarar frå Os Rockeklubb som også spelte på Søfteland i 2010. Består av JanTore Berven (gitar/vokal), Daniel Hermansen (trommer) og Sander B. Johannessen (gitar).
• Verk: Bergensrapperen Preben Vetti er Verk. Verk er ein av Rock N LOL-gjengen sine norske hiphop-favorittar og serverer" deilig flow og beats med ærlege tekstar på bergensk". Har tidlegare vore gjest på Lars Vaular-album.
• The Beauty: Nystarta band av erfarne rockarar, med Jens Erik Aasmundseth (Major Parkinson) som frontfigur. Saman med Alf (Turbostipend/Major Parkinson/Idol), Magnus Johansen (keyboard) og Eirik Søfteland og Leif Herland (KingCalling), tar Jens Erik og The Beauty sin debut på Søfteland.
– Jens Erik samla bandet på sju dagar, etter at han bestemte seg for å realisera ein draum om å synga sine eigne låtar. Vi synes det er stor stas at dei tar debuten hos oss, seier Andreas.
Bortsett frå eit ope hol klokka 23 laurdag under festivalen er programmet no komplett. Sånn ser lista ut:
PROGRAM
- fredag 6. og laurdag 7. juli
FREDAG
18.30 The Angry Wasp
19.20 Verk
20.00 John Olav Nilsen
21.00 Ribozyme
21.50 El Caco
22.45 Millions
23.30 Enslaved
LAURDAG - FAMILIEFESTIVALEN
Familiedag laurdag 7. juli frå 12.30
Konsert med Samsaya kl 13.00 (til ca 13.30)
Konsert med DATAROCK kl 13.50 (til ca 14.20)
FRI ENTRÉ - SAL AV GRILLMAT OG DRIKKE!
LAURDAG
17.00 Abstractium
17.30 Heilag Olav
18.10 Herr Nilsson
19.00 Samsaya
19.50 The Beauty
20.30 Audrey Horne
21.20 Deathcrush
22.00 Kvelertak
23.00 TBA
23.45 DATAROCK
Midtsiden samleside: Søfteland Rock N LOL