Er maks éin siger frå opprykk
Marthinussen matchvinnar i dagens bortekamp.
Lysekloster spelte i dag borte mot Gjelleråsen i 21. av 26 serierundar.
Nicholas Marthinussen si 1-2-skåring i 51. minutt blei kampens siste, og Lysekloster reiser heim med full pott.
Skåringa kom etter eit angrep midtstopparen starta sjølv, på tampen av noko som nærmast var veggspel.
Alexander Dang sette inn 0-1 i 1. minutt, Gjelleråsen utlikna fortent på overtid av første omgang.
Skåringa kom på eit hardt innlegg som gjekk rett i Lysekloster-forsvarar David Campher og inn til første baklengsmål på fire kampar.
Lysekloster overtok meir i andre omgang, og var nær 1-3-skåring to minutt før slutt.
Med dagens siger er Lysekloster 16 poeng framfor Frigg på 2. plass og 18 poeng framfor Os på 3. plass.
Os speler runde 21 heime mot Skjetten søndag, Frigg speler mot Ullern 2 på nest sisteplass på tabellen måndag.
Om Frigg vinn måndag må Lysekloster ha éin siger til for å sikra avansement til 2. divisjon.
Om Frigg taper måndag, er Lysekloster sitt opprykk i boks.
Lysekloster sin neste kamp går òg på bortebane, laurdag mot Skedsmo.
Lokaloppgjeret mot Os går på Kuventræ laurdag 14. oktober - i det som er 24. serierunde.
- Tabell og terminliste på fotball.no
