Enslaved med video frå Ådnadalen
Sett 1.000 gongar i timen det første døgnet.
I oktober blei NHP-lgeret i Ådnadalen fylt med hard rockemusikk.
Velkjente Enslaved øvde saman med bergensbandet Shaman Elephant i eit slagkraftig nimannsorkester.
Dei to skulle på turné saman - men rigginga til øving blei også brukt til noko meir.
Etter fem dagar med øving bar det ut på turné.
Men i november var Enslaved tilbake og spelte inn både konsertopptak og materiale til musikkvideo.
Konserten blei strøymd 21. desember. 1.100 fans kjøpte billett.
Enslaved takkar blant anna osingar for hjelpa, som Bjørnafjorden brann og redning, som kom opp for å spyla betongen - og Kjetil Osablod Grønvigh, som blir titulert som «backline technican & shadow prime minister of Os».
Musikkvideoen til éi av låtane, Bounded By Allegiance, blei publisert i går.
Videoen er laga av Kolibri Media, og har hausta god resons. Etter ni timar var den sett 10.400 gongar, i dag har den passert 21.000.
Enslaved er ikkje dei einaste som har brukt det store lagerbygget til å spela inn musikkvideo.
I 2013, mens Eirik Strønen Søfteland var på veg til finale i Idol, spelte rockaren frå Os inn video med bandet sitt, KingCalling.
Til sommaren skal store delar av lageret byggast om til Noregs største anlegg for padeltennis.
