Pasient smitta

Ein pasient på Luranetunet har fått påvist covid-19, opplyser Bjørnafjorden kommune.

Vedkomande er ikkje ein fast bebuar, og fullvaksinert.

Vedkomande er ein av dei på avdelinga som blei testa etter at ein fullvaksinert tilsett torsdag fekk påvist smitte.

Dette er det fjerde smittetilfellet i dette utbrotet.

Til no er to tilsette, ein bebuar og ein pasient smitta. Ein av dei tilsette er einaste som ikkje er fullvaksinert.

– Vi trur smitta kjem frå ein som ikkje var fullvaksinert, seier assisterande kommuneoverlege Jonas Nordvik Dale.