Elegant av Kuventræ skule
Heilt i hundre: Over 200 elevar ved Kuventræ skule leverte eit imponerande show for eit fullsett Oseana onsdag kveld.
Bildeserie:
Kuventræ skule set annakvart år opp eit større show, der alle klassetrinna deltar med kvar sine innslag.
– I år oppdaga vi at det er ganske mange 100-årsjubileum, seier lærar Bjarte Hauge.
I tillegg er det i år 150 år sidan Edvard Munch blei fødd, noko som blei via ein del merksemd.
– Etter nokre rundar med diskusjon landa vi på tittelen "Heilt i hundre", for det er jo litt sånn ungar er, full i energi og entusiasme.
Dans, song og drama
Kvar klasse har valt sine tema og jobba sjølvstendig med desse, for seinare å samkjøra med komiteen og, den siste veka, øva saman med dei andre, spesielt på overgangar frå innslag til innslag.
Innslag var innom alt frå kvardagen og skulekvardagen for 100 år sidan, til Munch, 20-talet, 60-talet, 70-talet, luftig akrobatikk og eit godt koordinert Charlie Chaplin-show.
Kuventræ skule har, i tillegg til fleire musikalske lærarar, hatt med seg danselærar Patricia Langeland og sonen hennar Benjamin til å laga kortfilm.
I bandet under showet sat Arne Hernes, Knut Vidar Garlid, Knut Inge Johnsen og Magne Lunde.
7. klassingane Ørjan Sandal og Mina Aadland var konferansierar, ei oppgåve dei meistra med stil.
Sjå utdrag av showet
Førre store show med Kuventræ skule var i 2011, i "Eg las det i ei bok" var biblioteket staden som batt innslaga saman.
Sjå bildeserie og video frå showet i 2011
VIDEO: Her kan du sjå drygt 10 minutt av gårsdagen show i Oseana, "Heilt i hundre". (Foto: Kjetil Vasby Bruarøy)
PS! Varde Film og Media var leigd inn til å filma heile showet, og vil laga DVD som kjem for sal på Kuventræ skule.