Ekstra lang kø mot Os
– Trafikken går seint.
Påskeferien er i gang, og dei som ikkje har tjuvstarta for å koma seg på hytta er på veg heim frå jobb.
Med stenging på Fanafjellsveien blir det ekstra med trafikk på E39 Byvegen, og litt før klokka 16 i dag fekk vi tips om at køen mot Os starta ved Røykenes.
– Det sig i 40 km/t, fortel Erik Ask.
Ifølgje Google Maps si trafikkovervaking er det no, klokka 16.10, kø heilt frå bakken opp frå Kaland før MB Auto og heilt til Os.
Køen lausnar, som normalt, etter rundkøyringa mellom E39 og Industrivegen ved Uno X.
Halhjem ferjekai, som av og til har problem med å ta unna trafikken mot Tysnes og Stord, ser foreløpig ikkje ut til å vera tungt belasta.
Det er ingen eller kort kø ned mot ferjekaien. Men det er sjanse for at det kan tetta seg til utover ettermiddag, så både ferjetrafikantar og dei som bur sør på Søre Neset bør førebu seg på at bilturen kan ta lengre tid enn vanleg.
