FOR eit vêr - FOR eit tog!
Sjå stor bildeserie frå dagens hovudprosesjon gjennom nye Os sentrum!
Bildeserie:
Frå Os ungdomsskule klokka 11.45, via Finnebrekka og Lurane, inn Brugata forbi uteserveringa til Hanne's og vidare forbi Torget med «Osroso» og nye Havnechefen, opp Øyro på ny brustein frå Portugal - og inn på ei tettpakka Kyrkjeflaten.
Hovudprosesjonen i Os sentrum gjekk i strålande sol gjennom eit nyopprusta sentrum, der publikum sto så tett at det var vanskeleg å skilja mellom kva som var tog og kva som var publikum.
• Midtsiden sendte toget direkte via Facebook.com/Midtsiden (sjå opptak, som ligg ute) både frå Finnebrekka og Os sentrum.
Med ordførar Marie Lunde Bruarøy, Stine Kobbeltvedt frå kultureininga og 17. maikomiteen, og politioverbetjent Audun Hadler-Olsen i tet, etterfølgd av korps, barnehagane, barneskulane Kuventræ og Os, lag og organisasjonar - og russen, blei det ein flott parade. Det er, som komiteen sa då dei sleppte programmet, plass til meir musikk i toget. Men betre vêr og betre stemning kunne osingane ikkje ønskt seg.
Midtsiden kjem tilbake med bilde og video frå talar og song på Kyrkjeflaten - og frå den komande jazzkonserten på Oseana.