– Eit løp det lukta svidd av
Sverre Lunde Pedersen avslutta 1500-meteren i Astana forrykande, vann paret og kom på 4. plass berre ni hundredelar bak pallen.
Sverre Lunde Pedersen og det norske skeiselandslaget går i helga det tredje verdscupløpet i sesongen. Ungguten frå Os viser at formen held seg.
I par med sterke Denny Morrison frå Canada klinka Lunde Pedersen til på dei siste 300 meterane og vann paret.
– Det lukter svidd av dei siste 300 meterane. Eigentleg er avstanden til Morrison for stor, men Sverre klarer det.
– Den avslutninga er den beste eg nokonsinne har sett frå Sverre, oppsummerte NRK sin ekspert, Even Vetten.
Høgt nivå
Den første 1500-meteren på ei låglandsbane held særs høgt nivå. Vann gjorde OL-favoritt Denis Yuskov frå Russland på tida 1.45.06.
Sverre gjekk inn på tida 1.45.87, berre 9 hundredelar bak Zbigniew Bodka frå Polen.
– Det var eit meget høgt nivå på denne 1500 meteren.
– Sverre viser at han har tatt store steg mot verdsstjernene, konkluderte Vetten.
Sverre skal gå sin første 10 000 meter denne sesongen når han på søndag legg ut på distansen.