Eirik gav flest fadderar

Dei aller fleste nye fadderane Plan fekk etter «Idol gir tilbake» sundag kveld er frå Hordaland og Rogaland. Plan fekk 7300 nye fadderar i løpet av kvelden og nesten kvar sjuande fadder kjem frå Hordaland. Rogalendingene følgde hakk i hel, over 800 nye faddere kommer derfrå.

Plan sin generalsekretær, Helen Bjørnøy trur Idol-finalistane kan ha hatt litt å seie for den gode rekrutteringa på Vestlandet.

- Båe dei to finalistane oppfordra alle som stemte på dei i finalen til å bli Plan-faddere på Idol gir tilbake-sendingen.

–Det kan sjå ut som at mange har følgd den oppfordringa. Reportasjen der Stian Blipp møtte lille Juliet i Zambia har nok også rørt mange. Samstundes visste vi allereie at vestlendingane er rause og gavmilde menneskjer, seier hun.

Eirik spelte ei rolle

Ingunn Flåm og Marit Tandberg er to av osingane som ringte inn under Idol gir tilbake-sendinga sundag og meldte seg som fadderar.

- Det at Eirik Søfteland er frå Os, kan ha spelt ei rolle for mange, sjølv om det ikkje var grunnen til at vi ville hjelpa.

- Vi har tenkt på dette lenge og «Idol gir tilbake» var en fin anledning. Å hjelpa eit fattig barn er det minste vi kan gjera, når vi har det så godt her heime, seier Marit Tandberg.

- Eg tykkjer det er fint å hjelpa, når ein ser kor lite som skal til frå vår side, seier Ingunn Flåm, og legg til at ho ikke aner kvifor nettopp hordalandingane er så ivrige på å bli fadderar.

– Kanskje vi er spesielt bløthjarta, ler ho.

Plan er den største fadderorganisasjonen i Noreg med 120.000 fadderar (før «Idol gir tilbake»). Ein rapport frå Deloitte syner at stadig fleire nordmenn er fadderar eller støtter ein organisasjon eller eit godt formål fast. Også i Deloitte-rapporten toppar Hordaland statistikken, med Rogaland og Møre og Romsdal like bak.

- Vi er veldig takksame for at så mange vil støtta Plan sitt arbeid. Desse bidraga gjer at vi kan jobba langsiktig for å gje barn i utviklingsland moglegheit til å skapa seg ein betre framtid, avsluttar Bjørnøy.