Ein tur opp i båten?

Det er stille og fint vêr, men kanskje likevel verdt å sjekka båten, om den framleis ligg ute.

Som vanleg er det springflo 1-2 dagar etter nymåne, og floa var på topp 202 cm rett før klokka 13 i dag.

På Buena i Lysefjorden gjekk landgangen på ei flytebrygge i oppoverbakke, ifølgje eit lesarbilde vi mottok.

I Os hamn såg det ikkje så høgt ut, men sjøen sto rett over plankane på delar av bryggesystemet rundt oselvarhopen.

I natt er det venta same vasstand, i morgon noko lågare, rundt 198 cm på full flo.

Sjå melding om vasstand på met.no.

Då er det også venta meir vind og mykje regn, opptil 10 mm og liten kuling frå morgonen av.

Torsdag er det venta 12 mm nedbør, fredag 20 mm nedbør. Men frå søndag og utover i veka skal det bli sol, ifølgje Yr.no.