Ein heftig forsmak på morgondagens ekstremflo
Steinneset er fylt med stein (...) og ei brygge er skadd i Øyane.
Bildeserie:
Det er sendt ut oransje farevarsel grunna ekstremt høg vasstand måndag kveld, 221 cm, altså 25 cm høgare enn då det i midten av januar var springflo og stormflo på same tid.
- Skaper vêret problem hos deg? Send informasjon og bilde til tips@midtsiden.no
Til i dag var det meldt 174 cm flo. Saman med frisk bris og høge bølgjer blei det god høgde i Os hamn.
Nokre småskadar
På Steinneset spylte bøgjene grus og stein opp i bilvegen, noko bubilane skal få bryna seg på når dei skal heim.
På Sundøy er ei brygge øydelagt av bølgjene.
– Vi stengte bommane i Ole Bulls veg laurdag kveld, grunna nedbørsmengdene som var meldt, men har elles ikkje fått nokre rapportar om problem i bygda, seier teknisk vakt Robert Flister.
– Men vi skal ut og sjå på situasjonen på Steinneset, om det er noko vi får kosta vekk før neste flo.
Heller ikkje brannvesenet har fått meldingar om problem, utover eit rotvelta tre som har rekt inn i Kuhnlevika, som dei jobbar med å festa til land.
På topp før midnatt måndag
Historisk låge lågtrykk og atmosfæriske forhold gjer at det kan bli ekstremt høg vasstand langs heile kysten av Noreg måndag kveld.
Vasstanden kan bli 70–80 centimeter over normalen, og Meteorologisk institutt vurderer å auka frå oransje til raudt farevarsel.
- Kartverket/sehavniva.no: Flo og fjøre i Os
Det er flo klokka 11.23 og 23.54 i Os måndag.
Under er ein bildeserie frå Os hamn på full flo kl 10.40 i dag (berre synleg for innlogga abonnentar).
