– For ein gjeng talenter!

Han har aldri gjesta Os tidligare med gler seg stort til onsdagens konsert i Oseana.

– Eg har aldri vore der tidlegare, men eg har eit minne frå tidleg 2000-talet. Eg trur det var med bandet The Jessica Fletchers, som eg spelt i då. Vi turnerte Vestlandet og tok ei fergeetappe mellom to spelesteder. Vi passerte Os som låg og bada seg i vårsola og såg veldig bra ut.

Gledeleg gjensyn

Ikkje berre gler artisten seg til å sjå Osbygda igjen, men òg å møte danserane i Tag the Floors som dansa saman med han på Gullruten i Grieghallen for eitt år sidan.

– Det blir kjempemoro. Fy søren for ein gjeng av talent, pågangsmot, trendsetting og slagkraft. Dette blir eit ekstra høgdepunkt for meg på scenen, definitivt.

– Eg tykkjer også det er moro å involvere dansarar på scenen fordi det ofte var ein del av den "orginale hip-hop-pakka" der ein ofte kunne oppleve at rap plutseleg blei avveksla av ein liten danse-sekvens for publikum. Dei fire elementa vettu.

– Det er heller ikkje så reint sjelden at eg gjer samarbeid med born og ungdom på scenen. Eg har samarbeidd med barnekor på Gol, i Asker og i Oslo. Eg skal òg gjere det same på Barnivalen på Kongsbergjazz i sommar. Det er kjempegøy, stråler Ravi.

– I tillegg til konserten på kvelden skal du jo òg delta på Oseana sitt Friskunst-prosjekt med ungdomsskulane i kommunen. Korleis blei du engasjert i det. Er det noko du også gjer andre stader?

– Eh.... Det ordet har eg aldri høyd før. Eg visste faktisk ikkje at det var eit eiga prosjekt eg skulle vera med på. Sorry, unnskylder Ravi.

Smittande latter

Gjennom vinteren har Ravi vore ein av dei Hver gang vi møtes på TV2, saman med mellomanna Henning Kvitnes, OnklP og Wenche Myhre.

– Der har eg fått vist ein litt annan side av Ravi. Litt mykere og meir nedstrippa. Den versjonen skal eg sjølvsagt også vise fram for publikummet på Os.

– Ellers er eg fryktelig stolt av bandet mitt. Når vi er fem på scene, med fem stemmer og diverse instrumenter, så blir programmert pop-musikk (på plate) til spilt og levende versjoner på scenen. Det er så moro!

– I tillegg til å vera vanvittig flinke, så er bandet mitt glade og impulsive folk. Vips, så finn dei på noko nytt og moro på scenen, som får meg til å le og kose meg. Eg er heldig. Det som er så kjekt er at den gleden pleier å smitte bra over på publikum.

– Osingane kan gle seg til ei salig blanding av gamle, velkjende Ravi-låter og nye, friske pust av lyd gjennom salen, avslutter Ravi.