– Ein av våre mest populære
Leif Nyland stiller ut på Vedholmen Galleri.
Laurdag opnar Vedholmen Galleri separatutstilling av Leif Nyland. Kunstnaren deltar på vernissasjen.
– Dette er Nyland si andre separatutstilling hos oss. Han er ein av våre mest populære utstilliarar, og vi gler oss til denne opninga, seier gallerist Vibeke Harild.
Utstillinga skal stå til 11. september.
Nyland er utdanna ved Kunsthøgskolen i Oslo innan grafikk og visuell kunst. Dei seinare åra har karriera skote fart, og Vedholmen viser no fleire nye verk.
– Mange av motiva er naust og hus, inspirert av eige heimområde i Fredrikstad. NRK var innom atelieret hans i fjor, og det blei eit flott portrettintervju! synest Harild.
Ho viser også til kunstkritikar Tommy Olsson i Klassekampen sin omtale av Nyland sin kunst frå 2019 (utdrag):
«Verkene beveger seg i ytterkanten av menneskenes verden, hvor naturen begynner. Brygga som strekker seg ut i vannet, og gatekrysset hvor man aner skogen bak bebyggelsen. På mange måter er det en avfolket sommeridyll».
