På oppmoding frå lensmannen i Fusa og Tysnes bisto Sjøforsvaret med KV Tor med tryggleiken på sjøen i samband med Tysnesfest i helga.
450-500 fritidsbåtar var samla i Våge med mykje småbåt-trafikk i og rundt hamnebassenget.
Les òg: Nye rekordar på Tysnes
– KV Tor sine lettbåter patruljerte regelmessig i området og foretok kontroller opp mot førerrettigheiter av fritidsbåter, promille, flytevest og generelt forebyggande opp mot tryggleik på sjøen, skriv Jon Skålheim, skipssjef og kapteinløytnant på KV Tor i ei pressemelding.
Tre med for høg promille
Personell frå KV Tor kontrollerte 73 båtførarar for promille i løpet av helga.
– Tre av dei er mistenkt for å ha for høg promille. 18 båtførarar hadde låg promille, det vil seie at dei låg under grensa på 0,8, medan 52 båtførarar hadde 0.
– Det betyr at cirka éin av fire båtførarar kjørte båt med promille denne helga, konkluderer skipssjefen.
22 uten flyteplagg
I båtane som blei kontrollert var det til saman 261 personar.
– Vi kontrollerte òg om folk hadde flytevest på seg eller ombord i båten. 22 av dei 261 personane hadde det ikkje, fortel Skålheim.
KV Tor assisterte òg ved to grunnstøtingar i samband med festivalen.
– Det var ingen alvorlege hendingar på sjøen. Dei to båtane som grunnstøtte var episodar utan fare for personar eller båt. Dei blei begge assistert og slept av grunn, avsluttar skipssjefen.