– Ei koseleg overrasking i skogen
– Dei som har hatt dette prosjektet, skal veta at det blei sett pris på.
Årets sesongstart i Oselvo har vore med fin vassføring og god fangst.
Ein av fiskarane som timar før opning var på «kartlegging», kom over nokre småtroll rundt ei rot.
– Eg veit ikkje kor dei kjem frå, om kunstnarar, elevar eller andre har hatt eit lite prosjekt, men det var eit koseleg innslag i skogen, synest Torodd Rimstad.
Han vil ikkje seia akkurat kva han fann småtrolla.
– Det er kjekkare om også andre finn dei ved eit slumpetreff, sånn eg gjorde, synest han.
På kvelden var det fram med fiskestanga, og då hadde han selskap av nok eit lite troll.
Om Torodd fekk fisk, er foreløpig uvisst, men han er så vidt vi kan sjå ikkje ramsa opp på prohd.no si liste over fangst for sesongen.
