For ei avslutning!
Osøren Jazzensemble med hjelp av Marita Moe Sandven runda av 17. maifeiringa med konsert på Oseana.
Bildeserie:
Allereie ein halvtime før konserten skulle starta byrja foajeen å bli fylt opp.
– Vi hadde sett ut 130 stolar, men no må vi henta fleire, sa Janne Marie Hjelle frå Oseana før konsertstart.
Etterkvart var det om lag 170 tilhøyrarar som fekk to sett med gla´jazz. Her kom klassikarane som perler på ei snor, berre avbrote av velfortent applaus.
– Så kjekt at så mange ville koma. Vi har ikkje heilt talet på kor mange gongar vi har har gjort dette, men vi starta vel på 80-talet ein gong, fortalde Geir Mildestveit.
Som i fjor hadde karane i Osøren fått med seg Marita Moe Sandven som solist på nokre av låtene, ei jazz-stemme det er verd å få med seg.
Konserten blei avslutta med eit fantastisk solistnummer av nettopp Marita, tonesett av Ole Amund Gjersvik på bass. Dei to gav ut plate saman tidlegare i år.