Eg vil ha ei endring, vil du?
Lesarinnlegg: Private aktørar bør få mogelegheitene til å byggja studentbustader på same vilkår som studentsamskipnadene.
Kvart år når ein kjem til august og studiestarten nærmar seg så står mange tusen studentar utan noko stad å bu. Dette er leit. Og ein burde ha gjort mykje meir for at studentane lettare fekk ein stad å bu.
Framstegspartiet meiner et fleire bør vere med å bidra. Private aktørar bør få mogelegheitene til å byggja studentbustader på same vilkår som studentsamskipnadene. Dersom dagens monopolordningar vert teken vekk, er det mogeleg å bygga fleire bustadar til ein lågare pris og, ikkje minst, endå raskare.
Me ønskjer å ta i bruk kreative løysningar brukt i andre land for raskt å kunna setja opp fleire studentbustader. Til dømes brakke- eller containerstudentbyar av høg kvalitet.
Framstegspartiet ønskjer i tillegg heva grensa for kva unge menneske årleg, og totalt sett kan spara gjennom BSU-ordninga( Boligsparing for Ungdom)
Ønskjer du og ei slik endring?
Du kan endra det ved valet 9. september!
Laila Marie Reiertsen
Stortingsrepresentant Frp