Lokal | 04. mars 2021
E39 stengt grunna trafikkuhell - omkøyring via Os sentrum
Sjåføren skal ha prøvd å svinga unna eit dyr i vegbana.
Kjetil Osablod Grønvightorsdag 04. mars 2021 23:49
Klokka 23.48 kunne Vest politidistrikt melda på Twitter at det har vore eit trafikkuhell på E39.
«E39 er stengt mellom Moberg og rundkøyringa ved Uno X grunna trafikkuhell med tungt køyretøy. Skal ha køyrt i autovernet, ein del materielle skadar. Omkøyring via Os sentrum!».
Skal ha prøvd å svinga unna eit dyr
Til Midtsiden sin reporter på staden kan politiet fortelja at sjåføren av vogntoget skal vera prega av hendinga, men uskada. Vogntoget skal ha vore på veg nordover på E39, i retning Bergen.
Sjåføren skal vidare ha fortalt politiet at han prøvde å svinga unna eit dyr som var i vegbana, og hamna difor i midtrabatten med køyretøyet.
