Fritid | 11. jan. 2024
Disco on ice på Strønevatnet
– Fleire har vore her sidan klokka 15.
Kjetil Vasby Bruarøytorsdag 11. jan. 2024 18:11
Skøytegleda held fram på dag- og kveldstid ulike stadar i Osbygda. Også vest i skjergarden ser det ut til å vera gode forhold.
Vesle (men 40 meter djupe) Strønevatnet har òg fått farbar is.
Der har det vore full aktivitet på isen sidan måndag.
– I dag er det fleire frå same nabolag som har tatt med utstyr.
– Bålpanne, høgttalar og discolys er på plass, så her er det disco on ice, fortel Kamilla Lindborg Carlsen.
Nokre kom klokka 15, og har framleis ikkje gått heim.
– Eg trur det er fleire som har tatt middagen her, og dei ser ikkje ut til å bli lei. Det gjeld å nytta sjansen når vi, for første gong på tre år, har gode forhold!
