Politi | 13. nov. 2023
– Det må ha vore ein skikkeleg smell
Autovern på Skeisflaten har fått seg ein trøkk.
Kjetil Vasby Bruarøymåndag 13. nov. 2023 13:43
Fredag i 14-tida og 21-tida fekk Midtsiden-redaksjonen tips om spor etter utforkøyring på fylkesveg 5152 Skeisflaten.
Nedanfor Hagavik Hjemmebakeri, nær det som tidlegare var snuplass for buss, står autovermet i ein god boge inn mot fortauet.
– Det må ha vore ein skikkeleg smell, meiner ein av dei, og lurer på kvifor utforkøyringa ikkje har vore omtalt i lokalavisene.
Politioverbetjent Atle Birkeland har måndag morgon fått det same spørsmålet, og bilde frå staden.
– Dette har vi ingenting på, seier Birkeland.
Dei veit dermed heller ikkje om nokon skadde seg i uhellet, eller kor tid det skjedde.
Skeisflaten er fylkeskommunal, og opp til fylket å halda ved like etter uhellet.
