– Det kjentes som ein heimekamp

Etter imponerande siger i serioeopninga i 22. divisjon, over Rygge, som kom på 4. plass i fjor, hadde Os ein tur til Austlandet der dei tok 0 av 4 moglege poeng.

I går spelte dei borte mot BSI, som blir leia av det som var Os sin hovudtrenar førre sesong. BSI blir leia av Emil Fjær, som var Os sin hovudtrenar førre sesong.

Os vann 33-30 etter å ha leia 17-14 til. pause.

– Vi var verken nøgde med mangelen på poengfangst eller våre eigne prestasjonar førre helg, men brukte treningsveka godt til å rista dette av oss, seier Os-trenar Kenneth Husebø.

Kampen gjekk i Slåtthaughallen, men kjentes ifølgje Husebø ut som ein heimekamp.

– Det var sikkert 60-70 osingar som kom for å heia, og det trengte vi.

Os tok leiiing 10 minutt ut i kampen, og hamna aldri under igjen. Men i 2. omgang gjekk det frå 20-15-leiing til 20-20.

– Vi burde ha leia meir til pause og vi burde punktert kampen på 20-15, men vi gjorde for mange feil.

– I går jaga vi resultat, og det er greit. Spelemessig er vi på veg, men det er mykje igjen. Disiplin er nøkkel, om vi skal halda fram med å vinna jamne kampar, og helst unngå kampar som det vi hadde på bortebane.

Anna Bjørke Kallestad og Pia Kjelsrud Johansen skåra 9 mål kvar, Maren Evensen skåra 6, inkludert 4 frå 7-meteresmerket.

Marita Ylvisåker Aaberg fekk debuten sin i går.

– Ho er på veg tilbake frå skade, og skulle ikkje lausna skot. Derfor er ho heller ikkje notert med skåringar. Men Marita er trygg og god, legg opp til andre, og gjer ingen feil, seier Husbø nøgd.

Os speler neste kamp heime mot Fredrikstad 2, som til liks med tre andre lag, foreløpig ikkje har spelt ein einaste serierunde.

Kampen går søndag ettermiddag om ei veke.

• Tabell og terminliste på handball.no