Klokka 06.10 tysdag morgon fekk politiet melding om ein hjort som sto utanfor opninga på ein av tunellane på ny E39.
– Truleg var det Skogafjellstunnelen det var snakk om. Vi varsla vidare til Vegtrafikksentralen.
Ein god time seinare, klokka 07.35, fekk politiet melding om glatt veg på Lepsøybrua.
– Det er arbeid på brua, og det er mogleg at det har blitt brukt vatn som har frose. Vegtrafikksentralen blei varsla her òg.
Lepsøybrua er nattestengt frå klokka 23 til 05 kvar dag frå 29. oktober til laurdag 4. november.
I dag er den òg stengt frå klokka 11 til 13, ifølgje vegvesen.no sitt kart over pågåande og komande vegarbeid.
