Det blir parkering her

– Os kommune har saman med Os sentrumsforening blitt einig med Os Ungdomsskole om bruk av halve grusbanen til parkering frå og med 1. desember, og heile banen frå 15. desember, fortel næringssjef Daniel Skotheim i ei pressemelding.

Skal løysa parkeringsutfordringa

Ordninga vil vara fram til godt ut på nyåret.

– Den skal vera med å løyse ein til tider utfordrande parkeringssituasjon i eit Osøyro som er fylt med meir og meir liv.

– Det ligg føre planar om eit parkeringshus på Cirkle K/Brannstasjon-tomta, men fram til det står klart må vi løyse nokre av utfordringane på gode midlertidige måter.

Delast med gjerde

For å ta i vare tryggleiken til blant anna elevane ved ungdomsskulen vil parkeringsarealet bli gjerda inn.

– Os kommune vil dela av grusbanen med tryggingsgjerder/«byggegjerder». Vi oppfordrar, saman med Os Sentrumsforening alle som jobbar i sentrum eller skal opphalde seg i sentrum over lengre tid å nytta parkeringsplassane i randsonen. Dette gjeld også dei på grusplassen frå og med 1. desember, avsluttar Skotheim.

– Eg er veldig glad for at ungdomsskulen gir oss tilgang til halve banen. Det er veldig viktig for oss no fram mot jul og vil gjera parkeringssituasjonen i sentrum mykje mykje betre.

– Eg er òg glad at vi har funne ei løysing med byggegjerder som vil sikre elevene på ein god måte, seier William Lindborg, leiar i Os sentrum til Midtsiden.