– Der oppe går det i betong, fotball og hest
I går blei årets utgåve av Osingen presentert.
Årets utgåve av «Osingen» er no i hyllene hos bokhandelen Ark på AMFI, på Er-An Bilverksted (etter at kiosken på bensinstasjonen blei lagt ned) og på Bunnpris Vedholmen Landhandel.
I Osingen 2023 kan du blant anna lesa 6 sider om familieverksemda Brødr- Borgen Ferdigbetong, 12 sider om Askeladden og Henrik J. Askviks sønner, om laksestrid i Oselvo, som blei klaga inn til erkebiskopen i Trondheim (!), perlefiske i Oselvo og feriekoloniane i Os i starten på 1900-talet.
I år har osingen i Nasa, Alfred Lunde, blitt heidra med minnesmerke. I Osingen kan du lesa om onkelen Albert Særvold, som lova å husa nevøen, og betala utdanninga hans, om han tok studiene på alvor. Kven var onkelen, og korleis hadde han det i japansk fangeleir under andre verdskrig?
Dette er 5 av 16 artiklar i årets utgåve, den 8. utgåva i regi av Os Sogelag.
Skriftnemnda til årets utgåve har bestått av: Odd Tøsdal (leiar), Jostein Hausberg, Tove Nøss-Håvardstun, Ann Midtbø og Geirmund Dyrdal.
I går var inviterte gjestar saman med skriftnemnd, forfattarar til årets utgåve og styre - i alt 61 deltakarar - samla samla i Oseana Kafé og Restaurant for bokslepp og presentasjon av Osingen, sak for sak.
Vi kjem tilbake med meir frå presentasjonen.
