Den første Kiwi-kunden
- Dette tel som ein nærbutikk også for oss frå Søre Neset, sa den første kunden i den nye Kiwi-butikken på Moberg, Frode Markhus.
Bildeserie:
- Vi har følgt skjema heile vegen og hadde full kontroll fram mot opninga, seier regionssjef i Kiwi, Joakim Pedersen.
I dag klokka 10 var det opning på Moberg og mange kom med fine tilbakemeldingar på den store, nye nærbutikken.
- Dette er bra med folk til å vera opning på formiddagen, og vi får mykje skryt både for at butikken har kome og for korleis den ser ut, seier butikksjef Trine Bjørkhaug Dyke.
- Det er veldig positivt at vi får nærbutikk her på Moberg. Så sant dei klarer å ha konkurransedyktige prisar kjem vi til å bruka denne fast, seier tidlegare brannsjef i Os, no pensjonist, Klaus Helland.
Fjern nærbutikk?
Helland var blant dei første kundane inn døra i dag. Den første som gjekk gjennom kassen var Frode Markhus.
- Eg skulle berre innom og sjekka butikken, men det blei litt handling òg. Sjølv om det er langt å gå frå Halhjem til Moberg tel dette litt som ein nærbutikk for oss og.
- Vi har venta lenge på at det skal opna butikk på Søre Neset igjen, dette blir vår nærmaste medan vi ventar vidare.
Liten ute - stor inne
Den nye Kiwi-butikken er på 1050 kvadratmeter. Til samanlikning er Kiwi-butikken på Haugsneset berre 350 kvm.
- Vi har prøvd å tilpassa oss terrenget, så butikken ser litt liten ut frå utsida. Men innvendig synes eg den er stor, den har i alle fall ideell storleik til å vera Kiwi, her får vi plass til å vida heile Kiwi-konseptet, seier Pedersen.
Han meiner Kiwi er ein butikk som passar godt på Moberg.
- Det er mange småbarnsfamiliar i nærområdet, og då er vel lågpris, bra utval, stor fukt- og grøntavdeling og gode bleieavtaler midt i blinken.