Dei finaste og tøffaste paraplyane
Bildeserie: Osingane hadde førebudd seg godt på regnet som kom i 17. maitoget - og paraplyane var meir synlege enn bunadane.
Bildeserie:
Då regnet kom gjekk det få sekund før nesten heile 17. maitoget i Os var «under tak».
Bunadane blei mindre synlege, men fleire av paraplyane var dekorative.
I bildeserien over ser du nokre av dei som skilte seg ut.
– Korleis kunne vi IKKJE finna deg
– Eg fekk han anbefalt hos Mona Lyssand på Drageset på Amfisenteret og slo til, fortel Astrid Breivik.
Ho kom på Kyrkjeflaten i ein paraply med eit ekstra eksklusivt preg, både i farge og design.
– Eg har hatt han i langt over 10 år. Eg hugsar då ungane var mindre og eg blei imponert då dei fann meg igjen under 17. mai. «Men mamma, kordan kunne vi IKKJE funne deg, du e' vel den einaste i Os med gullparaply» sa dei.
Høg status
Ifølgje Wikipedia stammar ordet paraply frå fransk parapluie, av italiensk parare, som betyr «beskytta» eller «verne mot», og fransk pluie, som betyr «regn».
Paraplyar har, på same måte som parasollar, vore brukt som vern mot sol og regn, og samtidig fungert som eit statussymbol.