Dancing in the rain!
Tre kraftige byger med regn, lyn og torden stoppar ikkje Osfest.
Bildeserie:
I 16-tida, tre timar før andre festivalkveld på Osfest starta, kom ei kraftig regnbyge over Os. Det blei ikkje den siste.
Pogo Pops fekk spela seg halvferdig før byge nummer to kom, og dei litt færre enn fredag på same tid fekk på seg regn-ponchoane i ein fart.
Det er selt godt med billettar laurdag og det er venta fleire folk enn i går.
Og allereie då andre band gjekk på scenen hadde det kome bra med folk på festivalområdet og Green Granadas, supplert med fleire frå Os Swingklubb som snurra seg i grusen, skapte ekstra god stemning.
Granada-vokalisten hoppa dessutan av scenen og tok seg ein swing medan han song.
Men så kom byge nummer tre
Meir vatn enn Os har sett i éin sleng på lang tid, truleg fleire år, rann ned over Osfest og resten av bygda.
Store mengder overvatn samla seg på vegar og fortau og det kom mykje lyn og torden.
– Det går heilt fint. Vi har ingen tekniske problem, seier Ole Reinert Berg-Olsen.
Så gjekk Gina Aspenes på scenen til stormande jubel frå det kliss våte publikummet.