Cruiser inn på Oseana

I Oseana har Bygdekinoen no vist alle barnefilmar dei har tilgjengeleg til no denne våren, så på søndag blir det eit gjensyn med Rive-Rolf og gjengen i arkadehallen.

Science-Fiction filmen Oblivion med Tom Cruise i hovudrolla blir vist for dei litt eldre.

Rive-Rolf

Alt Rive-Rolf ønsker er å bli elska som helten Fikse-Felix i arkadespelet han er med i. Men Rive-Rolf si oppgåve i spelet er å vera skurken, og ingen elsker ein skurk.

Rive-Rolf bestemmer seg då for å bli ein helt, og for å bli det så treng han ein medalje. Når han finn ut at i det nye skytespelet i arkaden er det mogleg å vinna medalje så klarer han å snike seg inn. Det får katastrofale følgjer når Rive-Rolf ved eit uhell slepp laus ein døydeleg fiende som truar alle spel på arkaden.

Løysinga for Rive-Rolf kan vera sin nye bekjentskap Vanellope von Schweetz, ein ung bråkmakar- ein "glipp" fra et kart racing-spill, som kanskje er den rette til å læra Rive-Rolf kva det vil seia å være ein snill fyr. Men vil han innsjå at han er god nok til å bli ein helt før det er "Game Over" for heile arkaden?

Regi: Rick Moore
Sjanger: Animasjon
Språk: Norske stemmer
Lengde: 1 t. 47 min.
Produksjonsselskap: Walt Disney Animation
Aldersgrense: 7 år
Norske stemmer: Asgeir Borgemoen, Sigrid Bonde Tusvik, Alexander Nyhagen, Suzanne Paalgard, Jan Martin Johnsen, Anette Lauenborgwaaler, Paul-Ottar Haga m.fl

Oblivion

Oblivion er eit fantastisk framtidsepos av regissøren bak TRON: Legacy og produsenten bak The rise of the planets of the apes.

I filmen treff vi Tom Cruise i hovudrolla som dronereperatøren Jack Harper i ei framtid der jorda ikkje er til å kjenna att. 60 år tidlegare blei Jorda angripen, og sjølv om menneska vann krigen blei Jorda øydelagd og dei måtte evakuera.

Jack Harper er ein av dei aller siste dronereparatørane utstasjonert på Jorda. Han er nesten ferdig med oppdraget sitt - ein del av ein massiv operasjon for å hente ut vitale ressursar etter fleire tiår med verdskrig mot ein skremmande fiende kalla Scavs.

Livet hans på ein svevande patruljestasjon fleire tusen meter over bakken tar derimot ei brå vending når han reddar ein mystisk, vakker framand frå eit styrta romskip. det utløyser ei rekke hendingar som tvinger Jack til å setja spørsmålsteikn om alt han kjenner til, og legg menneska si framtid i hans hender.

Regi: Joseph Kosinski
Skuespillere: Tom Cruise, Nikolaj Coster-Waldau, Morgan Freeman, Olga Kurylenko, Melissa Leo, Andrea Riseborough, Zoe Bell, Lindsay Clift, Jaylen Moore, James Ricker II
Sjanger: Action / Sci-Fi
Nasjonalitet: USA
Språk: Engelsk
Lengde: 2 t. 4 min.
Aldersgrense: 11 år