Corvus ventar med børsnotering
Må finansiera utvidinga på annan måte.
Corvus, som har plan om å utvida frå 5.000 kvadratmeter på Midtun til 25.000 kvadratmeter i Lyseparken, går likevel ikkje på børs før jul.
Det opplyser konsernsjef Geir Bjørkeli i ein epost til BT, ifølgje E24.
Årsaka er at eigarane av den maritime batterifabrikken ikkje er nøgde med prisen.
Aksjeanalytikar Anders Torgrim Holte i Kepler Chevreux seier til E24 at det generelt har blitt meir vanskeleg å gjennomføra børsnoteringar den siste tida.
– Får den utsette børsnoteringa konsekvens for framdrifta for utvidingsplanane i Lyseparken?
– Nei, svarer Bjørkeli per sms til Midtsiden.
Børsnoteringa var meint å henta inn kapital til utvidinga.
Corvus har kapitalsterke eigarar, eit alternativ kan vera at dei finansierer utvida satsing.
Dei fire største aksjonærane i Corvus Energy Holding AS er:
Bw Investments Pte. Ltd. 21,83 %
Hydro Energi Invest AS 20,83 %
Equinor Ventures AS 15,62 %
Shell Ventures B.v. 14,45 %
